Imesema kila mtoto aliyetimiza umri wa
miaka minne ana haki ya kupatiwa elimu kuanzia mandalizi hadi Secondari bila ya
kujali hali yake ya kifedha au mwenye ulemamavu “mahitaji maalum”.
Waziri wa elimu na Mafunzo ya Amali, Riziki Pembe Juma alibainisha hayo katika Mahafali
ya Mafunzo ya Ualimu wa Maandalizi ngazi ya cheti ya Chuo Cha Madrasa Early
Childhood Training College yaliofanyika katika Ukumbi wa Chuo Cha Habari
Kilimani Unguja.
Alisema lengo la serikali kufuta michango
ya elimu kuanzia ngazi ya mandalizi hadi Secondary ni kuona kila mtoto
anapatiwa haki ya kupata elimu, bila ya kujali hali yake ya kimaisha,
akibainisha kuwa kutokana na hali hiyo ni lazima kwa watoto wote kupelekwa
shule umri unapotimia.
Hata hivyo Waziri Pembe alisema uwepo wa walimu
wenye taaluma ya Maandalizi ni mkakati wa Wizara wa kuhakikisha watoto wanapata
Msingi mzuri wa Elimu,kwani elimu zote zinahitaji Msingi kwanzia Elimu ya
Maandalizi.
Alisema kuwepo kwa walimu wenye ujuzi wa
kusomesha na kusaidia watoto kutasaidia taifa kuzalisha wasomi na wataalam wa
fani mbalimbali.
Alisema mpango Mkuu wa Elimu Zanzibar
2017/2018 mpaka 2020/2022 unaonesha mahitaji ya walimu wa maandalizi wenye sifa
ili kuendana na kasi ya uandikishaji wa watoto katika Skuli za Serikali na binafsi.
Aidha, Serikali imeondosha ada kwa
Wanafunzi wa Maandalizi na Msingi katika Skuli zote za Serikali kwa nia ya
kutoa fursa kwa Wananchi kupata Elimu na kuweza kuzalisha wataalam wazalendo.
Waziri Pembe alisem Serikali ya Mapinduzi
Zanzibar itaendelea kuimarisha mazingira mazuri ya kusomeshea kwa kukamilisha
madarasa na majengo mapya, akisisitiza kuwa Wizara yake inaendelea kuupitia
mtaala wa Elimu ya Maandalizi na Msingi ili Wanafunzi waandaliwe kwa mujibu wa
mahitaji ya nchi.
Hata hivyo amewasisitiza Wahitimu wa
Mafunzo hayo kuhakikisha wanatumia ujuzi na maarifa waliyopatiwa katika mafunzo
ili kuwajenga watoto kitaaluma zaidi.
Naye Mkurugenzi wa Madrasa Early
Childhood Training College, Khamis Abdalla Said amesema Walimu waliosoma katika
chuo hicho anahakikisha wanapata ujuzi wa kuwaandaa watoto wa Maandalizi kujua
kusoma na kuandika, pia ameipongeza Serikali ya Mapinduzi Zanzibar chini ya
uongozi wa Rais wa Zanzibar na Mwenyekiti wa Baraza la Mapinduzi Zanzibar Dk
Ali Mohamed Shein kwa mashirikiano mazuri na sekta Binafsi katika kuleta
maendeleo ya kuaji katika sekta ya Elimu nchini.
Kwa upande wake mrajisi wa Elimu Zanzibar,
Siajabu Suleiman Pandu amewataka wazazi kuwasomesha watoto wao katika Vyuo
vilivyopata usajili wa Mamlaka za Kielimu ili kuepuka kupoteza gharama na muda
katika Vyuo ambavyo vimekosa usajili serikalini.
Nao Wanafunzi katika risala yao wameiomba
Wizara ya Elimu Zanzibar kupatiwa nafasi za ajira kwa wanafunzi wanaosoma Chuo
hicho hasa kwa wale Walimu wanaojitolea Katika Skuli mbalimbali za Mjini na
vijijini.
Katika mahafali hiyo ya tatu Jumla ya
Wanafunzi 66 wamehitimu wakiwemo Wanaume watatu.
Imeandikwa na Haji M. Mohd
Facebook Blogger Plugin by Piere
Post a Comment