Shirikisho la mpira wa Miguu Tanzania TFF leo limetangaza kumteua Ammy
Ninje kuwa kocha wa muda wa timu ya Taifa ya Vijana chini ya miaka 20
NgorongoroHeroes.
Ngorongoro Heroes inatarajia kucheza michezo miwili ya kirafiki ya
kimataifa dhidi ya Morocco na Msumbuji, kabla ya kuwavaa DR Congo katika
mchezo wa kuwania kufuzu Fainali za Mataifa ya Afrika kwa Vijana (AFCON
U20).
Kocha huyo ambaye amewahi kukaa kwenye benchi la ufundi la klabu ya Hull
City ya nchini England, sio mara ya kwanza kufundisha timu ya taifa
ambapo mara ya kwanza aliiongoza Kilimanjaro Stars kwenye michuano ya
kombe la CECAFA japo haikufanya vizuri.
Timu hiyo inaundwa na baadhi ya nyota waliofanya vizuri kwenye kikosi
cha vijana wenye umri chini ya miaka 17 Serengeti Boys kilichoshiriki
fainali za AFCON U17 mwaka jana nchini Gabon.
Facebook Blogger Plugin by Piere
Post a Comment