Waheshimiwa Watanzania, tumepigiwa simu na Wanahabari kutaka kujua
msimamo wa CUF kuhusu uteuzi uliofanywa na CCM dhidi ya Maulidi Saidi
Mtulia kugombea Jimbo la Kinondoni.
Kwanza tunapenda Watanzania watambue kua Mtulia si Mwanachama wa CUF na
katika hali hiyo, Cuf hawezi kua na sababu yoyote ya kushangazwa na
uteuzi huo.
Pili Watanzania wanapaswa kutambua kwamba CCM kama Chama wanayohaki ya
kumsimamisha Mtulia kua ni Mgombea wao japo Uamuzi huo unaweza kua na
mtimanyongo kwa wanaccm na hata wasiokua wanaccm kutokana na tamaduni za
CCM au historia ya Mtulia mwenyewe kwakua kabla hajajiuzulu alishakua
Mbunge.
CUF – Chama cha Wananchi kinamtazama Mtulia kama CHAMBO KWENYE NDOANO YA
KUVULIA SAMAKI, Mtulia ni kivutio cha Utalii, ili Mbuga ya Wanyama
itembelewe na Watalii wengi lazima pawepo na kivutio.
Uteuzi wa Mtulia utawavuta wengi kwenye CCM wakiwa na Mategemeo kua na
wao wakifanya kama alichofanya Mtulia basi watateuliwa kua Wagombea
kwenye Majimbo yao ya awali.
Lakini Chambo kwenye NDOANO ni ngumu kumpata ila anarahisisha kuvuliwa
au kupatikana kwa Samaki wengi. CUF – Chama cha Wananchi kitawashinda
Wagombea wa Vyama vingine wataoshiriki kwenye Uchaguzi huo. Tumeshaanza
maandalizi muda mrefu na tuna Mgombea mzuri, tuna uhakika wa kushinda
kwenye Jimbo hilo la Kinondoni.
Wito wetu kwa Watanzania wajitokeze Kwa wingi kupiga Kura za kukataa
Matumizi mabaya ya Fedha za Umma yanayofanywa na Maulidi Mtulia kwa
kutuingiza kwenye Uchaguzi usiokua wa lazima na CCM nayo kuridhia
Matumizi hayo kwa kurejesha jina la Mtulia kugombea nafasi ambayo alikua
nayo hapo awali. Haya ni matumizi mabaya yalioridhiwa na CCM kwa
kumrejesha Mtulia kama Mgombea wa Jimbo la Kinondoni kupitia CCM.
Watanzania bado tunachangamoto nyingi katika sekta mbali mbali kama vile
Elimu, Afya na Miundombinu duni ndani ya Nchi yetu ambapo Fedha hizi za
Uchaguzi zingeweza kuelekezwa huko. Kataaeni Matumizi haya kwa
kushiriki kikamilifu kwenye Marejeo ya Uchaguzi huo unaotarajiwa
kufanyika Mwezi February
HAKI SAWA KWA WOTE
Abdul Kambaya
Mkurugenzi wa Habari Uenezi CUF,chanzo malunde
Facebook Blogger Plugin by Piere
Post a Comment